தமிழ் வருடத்தின் முதல் மாதம் சித்திரை. 12 ராசிகளில் முதல் ராசியான மேஷ ராசியில் சூரியனின் பயணம் தொடங்கி ஒவ்வொரு ராசியின் வழியாக நகர்ந்து பன்னிரண்டாவது ராசியான மீன ராசிக்குள் செல்கிறது. இந்த சுழற்சி ஒவ்வொரு ஆண்டும் நிகழ்கிறது. எனவே, முதல் ராசியான மேஷ ராசியில் சூரியனின் பயணம் தொடங்கும் தமிழ் வருடத்தின் தொடக்கத்தை ஆண்டின் பிறப்பாக மக்கள் கொண்டாடுகிறார்கள்.
2025 ஆம் ஆண்டு ஏப்ரல் 14 (திங்கட்கிழமை) அன்று தமிழ் புத்தாண்டு கொண்டாடப்பட உள்ளது. ஆங்கில நாட்காட்டி எண்களின் அடிப்படையில் ஆண்டுகளைக் குறிக்கிறது. அதேபோல், ஒவ்வொரு தமிழ் புத்தாண்டுக்கும் ஒரு தனித்துவமான பெயர் உண்டு. அந்த வகையில், 2024 ஆம் ஆண்டு தமிழ் புத்தாண்டு குரோதி ஆண்டு என்று அழைக்கப்பட்டது. அதேசமயம் 2025 ஆம் ஆண்டு விசுவாவசு ஆண்டு என்று அழைக்கப்படுகிறது.
சமஸ்கிருதத்தில், விசுவாவசு என்றால் உலகம் நிறைவு என்று பொருள். இதுபோன்ற பெயர்கள் 60 ஆண்டுகளுக்கு ஒரு முறை மீண்டும் மீண்டும் தொடர்ந்து சுழற்சி அடிப்படையில் வரும் என்று கூறப்படுகிறது. உலகம் நிறைவு என்று கூறப்படுவதால், கடந்த ஆண்டுகளில் நாம் சந்தித்த அனைத்து துன்பங்களும் கஷ்டங்களும் நீங்கி மகிழ்ச்சியான வாழ்க்கை நிலைபெறும் என்று அர்த்தம். சித்திரை வசந்த காலத்தின் தொடக்கமாகக் காணப்படுகிறது. அதே நேரத்தில், இது அறுவடை காலமாகவும் கொண்டாடப்படுகிறது.
தமிழ் புத்தாண்டு தமிழர்களுக்கு மிகவும் முக்கியமான பண்டிகை. இந்த நாளில்தான் வணிகர்கள் புதிய கணக்குகளைத் துவங்குவார்கள். வீட்டில் சிறப்பு பிரார்த்தனைகளுடன், மக்கள் கோயில்களுக்கும் சென்று பிரார்த்தனை செய்கிறார்கள். வீட்டில் பரிமாறப்படும் உணவு வகைகளில் கசப்பு, இனிப்பு என இரண்டு சுவைகளைக் கொண்டதாகச் சமைப்பார்கள். இது ஒவ்வொரு ஆண்டும் வாழ்க்கையில் இனிமையும் கசப்பும் இருக்கும் என்பதைக் குறிக்கிறது.
தமிழ் புத்தாண்டில், மக்கள் அதிகாலையில் எழுந்து, எண்ணெய் தேய்த்து குளித்து, பின்னர் புதிய ஆடைகளை அணிந்து, பிரார்த்தனை செய்ய கோவிலுக்குச் செல்வார்கள். கோவிலுக்குச் சென்று ஆண்டைத் தொடங்குவது நல்ல அதிர்ஷ்டத்தையும் செழிப்பையும் தரும் என்று நம்புகிறார்கள். மக்கள் தங்கள் நண்பர்கள் மற்றும் குடும்பத்தினருடன் பரிசுகளையும் வாழ்த்துக்களையும் பரிமாறிக் கொள்வார்கள்.
தமிழ் புத்தாண்டு என்பது புதுமை மற்றும் புதிய தொடக்கங்களுக்கான நேரம். கடந்த காலத்தை விட்டுவிட்டு, நம்பிக்கையுடனும் நேர்மறையுடனும் எதிர்காலத்தை ஏற்றுக்கொள்ளும் நேரம் இது.
தமிழ் புத்தாண்டு கொண்டாட்டம் தமிழ் சமூகத்தில் ஒரு குறிப்பிடத்தக்க நிகழ்வாகும். இது ஒரு புதிய சுழற்சியின் தொடக்கத்தைக் குறிக்கிறது மற்றும் கடந்த காலத்தைப் பற்றி சிந்தித்து எதிர்காலத்தை எதிர்நோக்குவதற்கான ஒரு சந்தர்ப்பமாகும். இந்த கொண்டாட்டம் குடும்பம், சமூகம் மற்றும் கலாச்சாரத்தின் முக்கியத்துவத்தை வலியுறுத்துகிறது, மேலும் மக்கள் ஒற்றுமையுடன் ஒன்று சேர ஊக்குவிக்கிறது.
கேரள மாநிலத்தில் சித்திரையின் முதல் நாள் சித்திரை விசு என்று கொண்டாடப்படுகிறது.
கனி காணல் வழக்கம்
சூரிய உதயத்திற்கு முன் படுக்கையறைகளில் இருந்து எழுந்து வீட்டில் உள்ள வயதான பெண்கள் அல்லது இல்லத்தரசிகள் கண்களைத் திறக்காமல் நேராக பூஜை அறைக்கு வந்து, முந்தைய இரவு அவர்கள் இறைவனுக்கு படைத்த கனிகளைக் காண்பதே கனி காணல் என்பார்கள். கனி கண்ட பிறகு பெரியவர்கள், குழந்தைகள் மற்றும் குடும்ப உறுப்பினர்களைக் கண்களை மூடிக்கொண்டு கனி காண அவர்களை அழைத்து வருவார்கள். இது ஆண்டு முழுவதும் வீட்டிற்கு நல்ல அதிர்ஷ்டம், செல்வம் மற்றும் மகிழ்ச்சியைத் தரும் என்று நம்பப்படுகிறது. கனி காணல் முடிந்த பிறகு, குழந்தைகள் மற்றும் பெரியவர்கள் குளித்து, புதிய ஆடைகளை அணிந்து, தங்கள் வீடுகளில் பிரார்த்து பின் கோயில்களுக்குச் சென்று வழிபடுவது வழக்கம். தமிழ் வருடப் பிறப்பு அன்று அனைத்து கோயில்களிலும் குடும்பங்களாகச் சென்று தெய்வத்தைத் தரிசனம் செய்வதைக் காணலாம்.
கை நீட்டம் பாரம்பரியம்:
சித்திரை விசு பண்டிகையின் முக்கிய நிகழ்வுகளில் ஒன்றான கை நீட்டம், பண்டைய காலங்களிலிருந்து நடைமுறையில் உள்ள ஒரு பாரம்பரியமாகும். கைநீட்டம் பழக்கத்தைப் பொறுத்தவரை, மக்கள் தங்கள் வசதிக்கேற்ப நாணயங்கள், பணம் மற்றும் பொருட்களை வழங்குகிறார்கள், "சித்திரை வந்தாள் பொருள் கோடி தந்தாள்" என்று கூறுவார்கள். குடும்ப உறுப்பினர்கள், சிறுவர்கள் மற்றும் பெண்கள், குடும்பத்தில் உள்ள பெரியவர்களின் காலில் விழுந்து வணங்கி ஆசிர்வாதம் பெறுகிறார்கள். அந்த நேரத்தில், பெரியவர்கள் தங்கள் குடும்ப உறுப்பினர்கள் மற்றும் பேரக்குழந்தைகள், உறவினர்கள், அண்டை வீட்டார், நண்பர்கள் மற்றும் ஊழியர்களுக்கு தங்க நாணயங்கள், தங்க நகைகள், வெள்ளி நாணயங்கள், புதிய நாணயங்கள், ரூபாய் நோட்டுகள், காய்கறிகள், அரிசி போன்றவற்றை தங்கள் வசதிக்கேற்ப வழங்குகிறார்கள். இந்த கைநீட்டம் பாரம்பரியம் சாதி, மதம் அல்லது இன வேறுபாடு இல்லாமல் ஒருவருக்கொருவர் நாணயங்கள், பணம் மற்றும் பொருட்களை பரிமாறிக் கொள்ளும் ஒரு பாரம்பரியமாக இருந்து வருகிறது என்பதும் பெருமைக்குரிய உண்மை. கோயில்களிலும் கனி காணும் விழாவும் நடைபெறும். கோயில்களில் சிறப்பு பூஜைகள் மற்றும் அபிஷேகங்கள் முடிந்ததும், கோயில் பூசாரிகள் கோயில்களுக்கு வரும் பக்தர்களுக்கு வழங்குவது. வழக்கம். சில கோவில்களில் பக்தர்களுக்கு நாணயங்கள் வழங்கப்படுகிறது.
இவ்வளவு சிறப்பு வாய்ந்த தமிழ் புத்தாண்டை சிறப்பாகக் கொண்டாடுவோம்.